უმაღლესი განათლების რეფორმის ექსპერტები

უმაღლესი განათლების რეფორმის ექსპერტთა (შემდგომში – ექსპერტები) ჯგუფის ამოცანაა საქართველოში უმაღლესი განათლების სფეროში მიმდინარე რეფორმების მხარდაჭერა. ექსპერტები მონაწილეობენ ევროკომისიისა და აღმასრულებელი სააგენტოს მიერ ორგანიზებულ თემატურ სემინარებსა და სასწავლო მივლინებებში, საერთაშორისო კონფერენციებში, აგრეთვე, კვლევებში, რომლებიც არა მარტო ევროპულ, არამედ ადგილობრივ დონეზეც ხორციელდება. ექსპერტთა მუშაობას კოორდინირებას უწევს ევროპის უნივერსიტეტთა ასოციაციისა და ბარსელონას უნივერსიტეტის კონსორციუმი.

საერთაშორისო ღონისძიებების გარდა ექსპერტთა ჯგუფი საქართველოში უწევს კონსულტაციას განათლებისა და მეცნიერების სამინისტროს, უმაღლესი განათლების სფეროში აქტიურ ორგანიზაციებს (მათ შორის განათლების ხარისხის განვითარების ეროვნულ ცენტრს) და უმაღლეს საგანმანათლებლო დაწესებულებებს. კონსულტაციებისა და საჯარო პრეზენტაციების გარდა ექსპერტთა მუშაობის ერთ-ერთ ფორმატს წარმოადგენს რეკომენდაციების შემუშავება უმაღლესი განათლების რეფორმის კონკრეტულ საკითხებთან მიმართებაში.

ამჟამად ექსპერტთა ჯგუფი ცხრა წევრისგან შედგება – ჯგუფში მონაწილეობენ, როგორც სახელმწიფო და კერძო უმაღლესი საგანმანათლებო დაწესებულებების, ისე განათლებისა და მეცნიერების სამინისტროსა და განათლების ხარისხის განვითარების ეროვნული ცენტრის წარმომადგენლები.

კვლევები ხორციელდება 2010 წლიდან ექსპერტთა და სტუდენტების მონაწილეობით (სრული ტექსტი ქართულად, ინგლისურად – მოკლე შეჯამება):

მომცველობითი საკითხავი მასალა მომზადდა რეგიონული სემინარისათვის, რომელიც 2010 წელს თბილისში გაიმართა საქართველოს ტემპუსის ეროვნული ოფისისა და UNICA–ს ორგანიზებით.

ექსპერტები ასევე მონაწილეობდნენ საქართველოს უმაღლესი განათლების სისტემის წლიური ანგარიშების შემუშავებაში (Georgia country fishes 2010 & 2012 ), და ეროვნული ანგარიშების მომზადებაში უმაღლესი განათლების ადმინისტრირებისა (2010) და ადამიანური რესურსების მართვის თაობაზე (2012).